Шпагети со авокадо / Avocado Pasta

(scroll down for the recipe in English)

Еве едно јадење кое е и здраво и хранливо и вкусно. Шпагети со сос од авокадо. Го сакам авокадото и поради хранливоста и поради тоа што може да се вклопи во секаква ситуација. Убаво е со лукче, со маслинка, а се прават и прекрасни чоколадни рецепти кои во основа имаат авокадо.

Да се вратам на шпагетите. Превусни се, а се готови за 15 минути.

И не знам дали ви кажав дека се посни без масло. Поздрав оброк здравје.

Захер торта со фил / Sacher Torte with a Twist

(scroll down for the recipe in English)

Кога и да почнам да избирам рецепти од книгата која ја користел дедо ми ме фаќа некаков страв и трема. Како да морам за тој момент да се подготвам некако посебно. Особено кога ги гледам тортите кои ги правел и за кои си пишувал забелешки. Една од тортите која посебно си ја има забележано во книгата е оваа Захер торта со фил. Знаеме дека захер тортата обично нема фил, но има и многу варијанти на самата торта меѓу кои е и оваа. Кај вистински убавите торти нема пократок пат во припремата, нема скратувања, нема финти. Правиш торта и учиш за состојките, се фрустрираш кога нешто не оди, грешиш, поправаш и на крај имаш чувство дека си направил ремек дело. Секогаш кога готвам помислувам на дедо ми и на тоа дали и колку се гордее со мене додека ме гледа како се мачам со неговите рецепти, но особено денес имав чувство дека заедно ја спремаме оваа Захер торта. Може не изгледа којзнае како, но верувајте вкусот е неверојатен. Ќе сфатите дека има зошто оваа Захер торта е толку позната и зошто Виена, од каде потекнува, се нарекува светска престолнина на торите.

Состојки:

• 120 грама путер
• 10 јајца
• 10 лажици шеќер
• 10 лажици мелени ореви
• 4 лажици мелени бисквити
• 120 грама рендано чоколадо

За филот

• 1 јајце
• 1 жолчка
• 100 грама чоколадо
• 2 лажици млеко
• 200 грама шеќер
• неколку лажици џем од кајсии

За Глазурата

• 100 грама чоколадо
• 100 грама шеќер
• 3-4 лажици млеко

Убаво изматете ги 10те жолчки со 120 грама путер и десетте лажици шеќер. Матете доволно долго за смесата да добие светла боја. Потоа додадете ги оревите, мелените бисквити и ренданото чоколадо. Белките изматете ги во цврст снег и додадете ги во смесата со жолчките. Кога ги додавате белките бидете нежни за да остане тестото воздушесто.

Печете на 180 степени околу 25 минути. Пазете да не се исуши кората премногу. 

Додека се пече, направете го филот. Најпрво млекото загрејте го со шеќерот, за шеќерот убаво да се растопи и да не крцка во филот (како што ми се има случено мене). Во загреаното млеко и шеќер додадете го јајцето, жолчката и чоколадото. Ставете го филот на шпорет загреан на умерена температура и биејте со мискер се додека филот не се згусни убаво. Тргнете го од шпоретот и оставете го да се излади. Не брзајте. Нека се излади убаво. Во изладениот фил со мискер изматете го путерот и ставето го филот во фрижидер барем десет минути.

Испечената торта извадете ја од шпорет и оставете ја  да се излади барем 20 минути, зошто ако почнете да ја филувате топла ќе ви го растопи филот!!!

За сечење на тортата јас користев чачкалици и парче конец. Многу е полесно отколку со нож. 

Вака се редат чачкалиците па се поминува со конецот и добивате две кори.

Ја ставате првата кора на чинија за сервирање и ја мачкате најпрво со џем од кајсии а потоа со филот. Па ја ставате втората кора и истото го повторувате.

За глазурата, стопете го чоколадото со шеќерот и неколку лажици млеко. Оставете го малку да се излади и прелијте ја тортата. Јас немав трпение да чекам да се излади доволно, па малку ми го растопи филот. Значи ако сакате онаква совшена глазура, почекајте!!!

Украсете со ореви или оставете го вкусoт да е украс сам за себе.

Убаво е да поседи во фрижидер барем еден час за да се стегне убаво, но не верувам дека ќе можете да издржите да не пробате.

Добар апетит!

 

SACHER TORTE

Every time I choose a recipe from my Grandad's cookbook I feel a bit nervous. It's like I'm going to cook in front of him. Especially if it is a recipe that he loved like this Sacher Torte which he has marked as one of his favorites. We know that Sacher torte has no filling, just the apricot jam. This is a version with a nice chocolate filling. I admit it wasn't easy to make, but all the great things in life don't come easy. That's what I love about these old cake recipes, there are no shortcuts, no easier ways. You go in the kitchen, you learn about the ingredients, you make mistakes, you fix them, and at the end you have the feeling of accomplishment, of creating something extraordinary. I always have a feeling that my Grandad is watching me from above, but today I think he was especially proud of me. I hope, at least. This cake isn't easy to make, but believe me it's worth it. After you make it you will realize why it is so famous and why it is one of Vienna's culinary specialties.

Ingredients:

For the cake:

• 10 eggs
• 120 grams (4,2 oz))  butter
• 10 tablespoons sugar
• 10 tablespoons walnuts (grounded)
• 4 tablespoons cookie crumbs
• 100 grams (3,5 oz)  chocolate (melted)

For the filling:

• 1 egg
• 1 egg yolk
• 100 grams (3,5 oz) chocolate
• 2 tablespoons milk
• 200 grams (7 oz) sugar

For the glaze

• 100 grams (3,5 oz) chocolate
• 100  grams (3,5 oz) sugar
• 3-4 tablespoons milk

Preheat the oven to 180 degrees. 

Beat the egg yolks with the butter and the sugar. Beat them until the color is light yellow. Then add the walnuts and the crumbs. Beat the egg whites until they hold a stiff peak. Then fold in the whites into the yolks mixture. Pour the batter into a greased pan and  bake for about 25 minutes. The cake must not be too dry, so be careful.

For the filling,

First heat the milk with the sugar until it dissolves completely. Add the egg, the egg yolk and the chocolate and mix it with a mixer while it's still on the cooker. Mix until the cream becomes thick. Put it aside and wait for it to cool. When it's almost cold beat in the butter until well combined. Put the filling in the fridge for ten minutes.

When the cake is baked, leave it to cool for about 20  minutes. Then using toothpick and tread cut the cake in two.

Take one part of the cake and put it on a serving plate. Spread some apricot jam on the cake and then spread more than half of the chocolate cream. Put the second cake on top and repeat the procedure.

For the glazing, heat the chocolate, sugar and milk until well combined. Then put it aside and let it cool. When is almost cold pour the glaze over the cake.

You can decorate with walnuts, ground or whole.

Bon appetit!

Шведски ќофтиња / Swedish Meatballs

(scroll down for the recipe in English)

Многу пати сум слушала како велат дека одат во Икеа и кога немаат ништо за купување само за да јадат од познатите Шведски ќофтиња. Рецептов е комбинација на неколку различни рецепти за ќофтињата од Икеа. Едноставно превкусни. Убави ќофтиња прелиени со прекрасен млечен сос.  Пробајте ги и никогаш повеќе нема да правите ќофтиња на друг начин.

Состојки (за три лица):

за ќофтињата

• масло за пржење
• еден помал кромид исецкан на ситно
• пола килограм мелено месо
• 3-4 лажици презла
• 1 жолчка
• малку мускатно оревче
• сол
• црн пипер

за сосот

• 1 лажица путер
• 2-3 лажици брашно
• половина литар говедски бујон
• 100 мл кисела павлака
• сол и црн пипер
• ситно исецкан свеж магдонос

На почеток пропржете го исецканиот кромид неколку минути, па измешајте го со сите други состојки за ќофтињата. Убаво измесете со раце се додека смесата не се изедначи.

Формирајте убави топчиња, колку помали толку се повкусни.

Пржете на почеток на висока температура за да не се залепат ќофтињата на тавата, а потоа намалете ја температуратa. Пржете се додека не добијат убава кафеава боја од сите страни.
Испржените ќофтиња ставете ги на хартија за да се впие маслото.

Сосот можете да го правите во друга тава, јас само го избришав маслото во кое пржев во хартија и го ставив путерот да се стопи на средна температура (не сакам да мијам многу тави). Кога се стопи путерот го ставате брашното малку да се пропржи и полека ја туривате супата. Полека без брзање за да не ви се направат грутчиња. Додајте ја павлаката и сол и пипер по желба. 

Во сосот ставете ги ќофтињата и оставете ги да се крчкаат на тивко околу десет минути.

Еве вака

Пред да ги сервирате ставете го исецканиот магдонос и убаво  измешајте. Ете, толку е едноставно, а превкусно.

Добар апетит

 Swedish Meatballs!

As good as those in Ikea. Meatballs covered in tasty creamy sauce. You simply have to try this recipe. You'll thank me later

Ingredients (for three people):

for the meatballs

• 2 tablespoons oil for frying
• 1 onion, diced
• 1 pound ground meat
• a couple of spoons breadcrumbs
• 1 egg yolk
• some ground nutmeg\
• salt and pepper

for the sauce

• 2 tablespoons butter
• 2-3 tablespoons flour
• 2 cups beef broth
• 1/2 cup sour cream
• salt and pepper
• 2 tablespoons chopped fresh parsley 

Heat the oil in a skillet over medium heat. Add the onion and cook, stirring, until the onion becomes translucent, about 5 minutes.

Mix all the ingredients for the meatballs, together with the onion. You can do it with a spoon or with your hands, as I did.

Form little balls from the meat. You will get about 12-15 meatballs.

Fry the meatballs, first on high heat, then on medium heat until they have nice brown color. About 7 minutes.
When fried, put the meatballs on paper so the oil is absorbed.

For the sauce. Melt the butter in a skillet on medium heat. Add the flour until lightly browned. Gradually pour the beef broth and cook, until slightly thickened, about 2 minutes. Stir in the sour cream and add salt and pepper.

Put the meatballs in the sauce and leave them on low heat to cook for about 10 minutes.
Remove from the heat and add the parsley and mix everything together.
Serve hot and enjoy the taste of Sweden!